Remove this ad

#21 [url]

Sep 9 09 2:27 PM


Ek sien niks oor Nederlandse letterkunde in Sondag se Rapport boeke nie. Daar is wel drie bladsye oor 'n fees in Nederland om Breyten Breytenbach se 70ste verjaarsdag te vier en hom te vereer. En dan twee bladsye oor drie Spaanse skrywers en ek het daarvan gehou - Spanje is baie hoog op my lys van plekke wat ek wil leer ken. Maar terwyl ons nou op die onderwerp is wat het julle teen Nederlandse of Europese letterkunde?

Ek het ook gehou van die twee artikels oor Toast Coetser en Lauren Beukes se boeke - albei boeke wil ek nog graag wil lees. Ek sou egter ook iets oor kinderboeke wou sien. Ek dink die probleem met Rapport Boeke is die feit dat dit net een keer 'n maand gepubliseer word. Dis onmoontlik om 'n wye verskeiedenheid belangstellings en smake te verteenwoordig met so min bladsye elke maand.

Quote    Reply   
Remove this ad

#23 [url]

Sep 10 09 3:55 AM

Ek het op die aarde niks teen Nederlandse en Europese letterkunde nie.  Niks, nada, nothing.  Die wereld is groot en daar is wonderlike letterkunde. Wil net graag meer sien oor meer SA skrywers.

Quote    Reply   

#24 [url]

Sep 10 09 4:39 AM

Soos Nadia het ek nie 'n probleem met Nederlandse of oorsese letterkunde nie, maar dit punt is dat daar so bittermin plek is om Afrikaanse letterkunde en boeke bekend te stel dat ek nie kan insien hoekom boekeblaaie in populêre tydskrifte en koerante plek daarop moet mors nie.

Het vanoggend by Jelleke Wierenga op Montagu gaan kuier en ons het juis oor die bemarking, of liewersdie gebrek daaraan, van Afrikaanse boeke en veral digbundels gesels.  (Die dierbare mens het vir my 'n kopie van haar debuutbundel gegee).

Dit is 'n feit dat digbundels nie gekoop word nie omdat niemand meer die digters ken nie en met die prys van R100 en meer vir 'n digbundel, maak dit vir mense moeilik om boeke aan te koop.  Ek meen as jy moet kies tussen 'n boek van R130 en kos vir die week, het jy nie eintlik 'n keuse nie. Daarom voel ek dat boekeblaaie soos die in Rapport en Huisgenoot moet konsentreer op plaaslike letterkundige werke - romans, digbundels, drama's wat ook al.

Ek voel dat uitgewers in samewerking met boekwinkels, meer moet doen om boekbekendstellings en boekpraatjies of boek=tekens=sessies aan te bied.  Ek het in my werkdae baie vrystellingsfunksies gereël en daar was altyd mense wat gekom het.  Sulke sessies moet nie net in die groot stede gedoen word nie, maar ook in groterig dorpe (en selfs in kleintjies ook veral as dit in samewerking met 'n plaaslike leeskring gedoen kan word). Ek is soms baie gefrusteerd omdat boekpraatjies net in die Kaap, Stellenbosch, Pretoria en JOhannesburg ens gehou word, want ek kan dit nie bywoon nie.

Met die dat Afrikaans in skole so afgeskaal word, is van ons ouer skrywers besig om in die vergetelheid te val - Etienne leRoux is 'n spekende voorbeeld en wanneer laas het jy iets gelees van Olga Kirsch of selfs Ernst van Heerden.  Ons is besig om 'n nuwe geslag op te voed sonder dat hulle iets van Afrikaanse letterkunde af weet - en dit is myns insiens die begin van die einde van 'n land se letterkunde.

Die jonger geslag skrywers en veral digters sal hulle sokkies moet optrek en begin om self hulle boeke te bemark.  Hennie Aucamp het met die eerste Versindaba gesê die tyd het gekom dat skrywers en veral digters, hulle boekies onder hulle arm moet sit en by leeskringe, biblioteke ens gaan smous.  Dit is ook 'n feit dat mense 'n boek selfs 'n digbundel sal koop as jy met die skrywer kan gesels en die boek geteken kan kry.  Aan die einde van die dag maak dit nie eers saak of hulle ooit die boek gaan lees nie ('n mens hoop maar hulle doen dit), die feit is hulle het dit gekoop al is die net om by die teepartytjies te kan spog dat jy die of daai digter ontmoet het.

So Martie, moenie ophou baklei nie.  Ek is net so moerig en sal enigetyd saam baklei - laat weet net wanneer jy nog hulp nodig het.  Ek is al lankal weer lus om iemand aan die strot te gryp - hier by ons maak niemand my so kwaad nie (net ABSA en die het ek lankal uitgesorteer).


Quote    Reply   

#25 [url]

Sep 10 09 2:34 PM

Haai Anita - vir boeke wat by uitgewers uitgegee word kry mens so R4/5/6 vir boeke wat so R70 kos (soos prenteboeke) Illustreerder moet ook ebtaal word, boekwinkels vat 40% en en en. Dis dus baie silly om jou eie boeke te bemark - vat dalk ure van jou tyd en jy verkoop 10 boeke (wat baie is!) en dan kry jy R40! 

Nei. Ek is moeg baklei. Ons is te min lesers - ek dink besondere lojale lesers wat doen wat hulle kan, maar daar is net te min! Daar is niemand om voor kwaad te word nie! Uitgewers maak ook nie eintlik wins behalwe as 'n boek baie verkoop nie! En met baie bedoel ek BAIE. Oor die 10 000. NB het hier vroeg in 2000 vir ons by skrywersvergadering gese dat 80 of 85 % - kan nie meer mooi onthou nie, maar dis VERSKRIKLIK van boeke verkoop nie eers hulle eerste uitgawe van 2000/3000 nie!!! 

Te min mense, dink ek. Nie leeskultuur nie. Dis maar hoe dit is. Ek is op baklei. Mens weet nie mooi met wie nie! Dis maar net soos dit is. Kan nie aanhou mens se kop teen mure stamp nie! 

Maar nou ja - ek het my ding gedoen. Gaan nou ander goete doen na dese. Maar die boeke is daar. Meeste nog in druk so dis fine. Die wat uit druk gaan, vra ek teksregte terug - you never know ... 

Quote    Reply   

#26 [url]

Sep 11 09 6:12 AM

Ek dink die einde vir Afrikaanse boeke is in sig.  Miskien is ek verkeerd (ek hoop ek is), maar ek glo nie.  Dalk nie in ons leeftyd nie, dalk wel. (My kollega, 'n ywerige Engelssprekende leser, het gister vir my gevra hoekom ek in 'n dying language skryf.  Sy het nog nooit eers na die Afrikaanse rak in EB gekyk nie, maar noudat sy my leer ken het, het verlede week daar verby geloop om na my boek te soek.  Die eerste ding wat sy die volgende oggend gese het is "And the Afrikaans shelf is tiny!"  Regtig oorbluf gewees.)
 
So, ek het niks teen wereldletterkunde nie, dis net vir my oneindig hartseer om die "eindtye" te beleef. 
 
Lekker naweek, dan.

Quote    Reply   

#27 [url]

Sep 11 09 6:25 AM


Ek wens jy is verkeerd, Nadia, maar ek het ook so 'n nare gevoel op my dat alles amper verby is en dat daar nog net 'n paar "token" boeke jaarliks sal verskyn. Ek wil dit nie aanvaar nie- en ek dink dis dit wat my motiveer om my laaste (desperate?) pogings aan te wend om erens 'n bydrae op 'n klein skaal te maak om (dalk) te help en iets weer te laat leef. Miskien is ons verkeerd. Ek hoop van harte so. Die meeste uiters ywerige lesers (wat ek ken) lees nooit Afrikaans nie. Hulle seg die verskeidenheid is te klein. 'n Mens kan hieroor debateer, maar ek verwys weer na die statistiek wat NB vir ons jare gelede al gegee het.  Is dit soos dit is? 

Quote    Reply   

#28 [url]

Sep 11 09 6:46 AM


Ek hoor julle, maar ek wil nie eintlik nie. Nadia ek ken darem ook 'n Engelssprekende gesin (Suid-Afrikaans van Italiaanse afkoms) wat hul kind aanmoedig om Afrikaans te lees. En die pa is mal oor Deon Meyer en het hom nou in Afrikaans begin lees. Sy vrou vertel dat hy vir haar daaruit voorlees en dan aanhou dat dit in Engels net nie dieselfde is nie. Een storie om 'n ander te besweer?

Uit Sondag se stuk oor Breyten Breytenbach se huldeblyk:

"Agterna sê die Nederlanders Breyten se Engelse verse was uitstekend, ja, maar wat hulle eintlik kom luister het, dit wat hulle ten diepste ontroer het, is sy Afrikaans met die Bonnie­vale-bry-r gestring in vokale oop en rond soos rivierklippe:

ek sal ons drome soos spieëls bewaar...
bo die bouvalle skater ’n leedvermakerige maan
soos ’n mal vrou met ’n
stukkende skepbeter...’’
"

Quote    Reply   

#29 [url]

Sep 11 09 7:13 AM

Nee wat, Nadia, sy praat dan Engels. Waarom jou nou steur aan haar wat sê die shelf is tiny? As hulle 'n rak moes maak met Suid-Afrikaanse boeke wat in Engels geskryf is, wonder ek hoe dit sou lyk? Ons kan tog nie Afrikaanse boeke vergelyk met alles wat uit Engeland, Amnerika en ander lande gesamentlik kom nie? As jy so daarna kyk, vaar Afrikaanse boeke eintlik baie goed!

Quote    Reply   
Remove this ad

#30 [url]

Sep 11 09 7:58 AM

Hoekom moet ek my nie aan haar steur nie?  Omdat sy Engels praat?
Sy is 'n leser, maar weet nie van gaan in ons Afrikaanse skrywersharte aan nie.  Sy het die klein rak gesien en gewonder waar die mark dan is. 

En waar is die lesers van Afrikaanse boeke?  En, ek dink ook hulle raak al minder, onder andere oor die emigrasiesyfers.   Hoeveel Afrikaners LEES? (Te min.  Hulle kyk Sewende Laan en rugby). Hoeveel Afrikaanse lesers koop feitlik net Engelse boeke?  Soos Martie ken ek ook ywerige lesers wat nie 'n Afrikaanse boek oopmaak nie.  Die klompie wat ek ken, se redes verskil.  Een se dat hy niks nuuts in Afrikaans vind nie (hy lees Don de Lillo, Martin Amis en soortgelyk), 'n ander een skiet sommer alles wat Afrikaans is uit beginsel af (en haar Engels is maar vrot), nog een lees net Mills and Boon wat sy sommer by Pick&Pay saam met haar kruideniersware koop (maar vir haar is daar seker nie raad nie, behalwe dat sy Jasmyn moet probeer) en nog een se die taalgebruik in die meeste Afrikaanse boeke is volgens haar te onnatuurlik, te formeel, te oudmodies.

Het ek van die punt afgedwaal?  Jammer, maar dis Vrydagmiddag, ek is nog by die werk en wil nou huis toe gaan.

Quote    Reply   

#31 [url]

Sep 11 09 7:58 AM

As ek al sulke negatiewe dinge oor die Afrikaanse boek raaklees, gaan ek op slag in volstruis mode in. Ek wil dit so glad nie hoor nie, ek kan nie en willie. Ons moet net die boeke laat aanhou. 

Ek stem vreeslik saam met Martie met haar siening oor die kinders wat die volgende geslag is. Ons moet eenvoudig aanhou om hulle te laat lees. Maar ek sien oraloor by mense met jong/klein kinders in die huis, hoe kwaai is die kompetiesie met ktv. Dis om van te huil.

"He who gives when he is asked has waited too long." Seneca

Quote    Reply   
avatar

kop

Jy ken van!

Posts: 171

#33 [url]

Sep 11 09 1:33 PM

Nee wat.  Nadia, vra bietjie vir haar as Engels aan die doodgaan was watter taal sou sy nou gelees het?

Vir my is Afrikaans nie aan die doodgaan nie, veral nie die Afrikaanse boek nie.  Ek kan nie voorbly om die al die boeke te koop wat uitkom wat ek graag wil hê nie, ek bly amper nie voor om die wat ek reeds gekoop het te lees nie.  En al was Afrikaans aan die doodgaan, ek wil dit vergelyk met as ek iewers vasgekeer was, sê bv. op 'n lysie bo 'n hoë krans - ek gaan nie al sit en tob oor wanneer ek in elk geval van honger gaan omkom nie en besluit om liewer te spring nie, ek gaan lewendig daar af kom, want waar daar lewe is, is daar hoop.

Quote    Reply   

#34 [url]

Sep 11 09 6:23 PM

Nee wat vrinne, dieselfde gebeur ook met musiek. Hulle sal al die cd's van Kylie,Britney ens. in hulle huise hê en dan opreg vir jou vra: "Nou wie's hierdie Valiant ou?" as hulle hom op TV sien.
Of Koos Doep, Coenie ens. Dis 'n feit, Afrikaans en Engels word nie oor die selfde skaal getrek nie. Dis 'n nasionale "mindset". Die enigste teenvoeter is maar net: skryf, sing; pleeg Afrikaans! Soos Fanus, tot op jou einde toe. EN vreedsaam asb. 'n Taal hoef nie klip te gooi nie, hy moet net doeksaf soos 'n ribbok oor al die klippers glip.


Quote    Reply   

#35 [url]

Nov 23 10 4:24 AM

Hoe kom ek nou eers af op hierdie lekker gesprek?

1. Ek is mal oor Huisgenoot se boekeblad.  Daar is lekker inligting in oor 'n verskeidenheid boeke, ek dink die skolehulp is 'n goeie idee (sou net graag wou sien dat hul ook die gedig plaas wat bespreek word) en hou ook van die artikels oor skrywers. (Ek is 'n Huisgenoot-junkie, koop dit elke week, niks so lekker soos Maandagaand se niksdoen met die Huiegnoot nie:-)

2. Ons het onlangs gepraat oor Rapport se boekeblad ook, lyk my daar's minder wat daarvan hou?  Dalk is dit die fokus op die 'wêreldletterkunde"? Weet nie.  Ek lees beide Sunday Times en Rapport, en moet sê dat lg. vir my ligter vermaak is, hul boekeblad pas nie lekker in by die koerant nie.  Nou die dag se artikel oor kookboeke (van alle dinge) was wel interessant - hoe dikwels sien mens 'n boekbespreking dáároor!  

3. Ek weet nou wel niks van wat agter die skerm aangaan in die boekbedryf nie, maar is 'n heel gelukkige leser.  Daar het die afgelope jaar lekker boeke verskyn en ek het WILD gekoop, hoor.  EK het dié lekker gelees aan Irma Joubert, Sophia Kapp, Marion Erskine, Nadia de Kock, altyd Helene de de Kock, Wilna Adriaanse, my 2e Deon Meyer ooit (skaam)...en dis nou net die wat ek vinnig aan dink!  Die rakkie is dalk nouwel klein in EB, maar plaas dit in konteks met die bevolking, dan doen Afrikaans nie te sleg nie. 

Ek lees alles, selfs die Pronutro-boks.

Quote    Reply   

#36 [url]

Nov 23 10 5:43 AM

Ek stem saam. Afrikaans is sterk. Ons het lieflike en fantastiese Afrikaanse skrywers. Hulle kan met gemak vergelyk word met van die wêreld se bestes!!! Soos Kop sê, ek kan nie voor bly om al die nuwe Afrikaanse boeke te lees nie. As Afrikaans aan die uitsterf is, hoekom publiseer Lapa bv elke maand 4 nuwe Romanzas?
Ons moet positief bly. Ons moet vashou aan ons taal.
Vir so lank as wat ek kan, sal ek Afrikaans dink, lees en skryf.

Quote    Reply   

#37 [url]

Nov 23 10 7:54 AM

Christelle, jy moet ook Marida Fitzpatrick se Iemand vir 'n scoop lees. Dit is lekker vakansielees, net soos enige iets van Annemari Coetser. Begin sommer by haar eerste een, Oop Kaarte.

Quote    Reply   
Remove this ad
Add Reply

Quick Reply

bbcode help