My Sister/'s Keeper

Ek was lanklaas so teleurgesteld soos Sondag toe ons na die fliek “My Sister’s Keeper” gaan kyk het. Dis gebaseer op ʼn boek met dieselfde titel deur Jodi Piccoult.

Dit word beskryf as ʼn mega-tranetrekker. Ek wil nie graag die skokkende einde van die boek, of die fliek se einde, weggee nie, dus volstaan ek maar daarmee dat ek gekul voel. Ek het nie eers op die regte plekke gehuil waar ek veronderstel was om te huil nie, want ek weet mos hoe die boek eindig en ek laat my nie manipuleer nie. Dink ek toe in my stilligheid.

In eie reg is die fliek seker goed. Dit spreek ʼn interessante etiese vraagstuk aan. Maar dit lyk my ʼn skrywer het nie veel te sê oor die draaiboek wat op sy/haar  boek gegrond is nie. Ek sou bitter boos gewees het as ek Jodi was!