ATKV-Woordveertjies

Die tyd vir woorde en wenners is net om die draai wanneer die jaarlikse ATKV-Woordveertjies, in samewerking met Sanlam, op Vrydag, 11 September by MolenVliet net buite Stellenbosch, aangebied word.

Tydens hierdie prestigegeleentheid word uitsonderlike prestasie rondom die Afrikaanse woord bekroon. ’n Uitgesoekte groep gaste sal by die pragtige MolenVliet Landgoed getrakteer word met uitsoek spyse, pryse en woordvermaak.
Die hoogtepunt van die aand sal die toekenning van die ATKV-Prosaprys asook die ATKV-Prestigetoekenning wees. 
Finaliste (alfabeties gelys volgens van) in die volgende kategorieë, sluit in: 

ATKV-Prosaprys

• Oulap se blou – Chris Barnard (Umuzi)
• Fees van die ongenooides – PG du Plessis (Tafelberg)
• 13 Uur – Deon Meyer (Human & Rousseau)

Prys vir Spanningslektuur

• 13 Uur – Deon Meyer (Human & Rousseau)
• Reuk van dood – Riana Mouton (LAPA Uitgewers)
• Snoeiskêr – Piet Steyn (Tafelberg)

Prys vir Liefdesroman

• Die boek van Ester – Wilna Adriaanse (Tafelberg)
• Langverlof - Annamari Coetser (Tafelberg)
• Die tuiskoms – Sophia Kapp (LAPA Uitgewers)

Prys vir Romanses

• Sewe beloftes – Marijke Greeff (LAPA Uitgewers)
• Om Ben lief te hê – Madelie Human (LAPA Uitgewers)
• ’n Sluier vir Shahira – Annelize Morgan (Tafelberg)

Prys vir Dramateks

• Maskermaan – Cecilia du Toit
• Die bannelinge – Bauke Snyman
• ’n Droë Junie vir Adam September – Chris Vorster

Wat die ATKV-Kinderboektoekennings en die Woordwystoekenning betref, is die wenners reeds bekend gemaak, en lyk so:
Voorleeskategorie: 3 – 6 jaar

• Skrywer: Jaco Jacobs (LAPA Uitgewers) – Liewe land, ’n olifant!
• Illustreerder: Maja Sereda (LAPA Uitgewers) – Liewe land, ’n olifant!

• Skrywer: Henry Ferreira (LAPA Uitgewers) – Cowboy Koekemoer van die Klein-Karoo (en sy getroue kameelperd, Shorty)
• Illustreerder: Alistair Ackermann (LAPA Uitgewers) – Cowboy Koekemoer van die Klein-Karoo (en sy getroue kameelperd, Shorty)

• Skrywer: Fanie Viljoen (Human & Rousseau) – Die geheime bestanddeel in Petra Pienk se piesangbrood

• Skrywer: Christie Nortjé (LAPA Uitgewers) - Spinnekopspeletjie

• Skrywer: Fanie Viljoen (Tafelberg) - Onderwêreld

Woordwystoekenning (Woordeboektoekenning)

• Verklarende opvoedkundewoordeboek/Teaching dictionary of education – Samesteller: Prof. Adriaan J. Smit