Pakkie by die Poskantoor

Ek het nou klaar gesien watter een jy begin lees het, maar ek dink ek sou liewer Vrypas gelees het.

Ek het wel Sabbatsreis gelees en baie geniet, maar ek dink ek sal in 'n spesifieke gemoedstemming moet wees om een van haar boeke te lees.  Ek wonder om watter rede op aarde is die beskrywing van Thula-thula by Kalahari.net in Engels?

Nou het ek nie een van die twee nie, maar wel 30 Nagte in Amsterdam, so dit is wat ek sal begin lees as ons in hierdie koue weer Saterdag die Noordkaap aandurf!

Vrypas van Dot Serfontein het in die pos opgedaag, en ek weet nie of enige persoon enige iets uit my gaan kry die volgende paar weke nie. Dis 'n absolute kosbare boek.

"Vrypas is nie 'n herskrywing van die land se geskiedenis of politiek nie, maar my weergawe van die konteks waarbinne dit drie geslagte lank die lewe van my plattelandse boeregesin beïnvloed het.

Vrypas is nie 'n herskrywing van enige van my reeds gepubliseerde boeke nie. Dit vertel van die dinge waaroor ek voorheen geswyg het, dit swyg oor die dinge waarvan ek voorheen vertel het."
(Dot Serfontein)

Bestel Vrypas hier van Kalahari

Ek het Thula-thula klaar gelees. Ek het absoluut geen woorde om hierdie boek te beskryf nie, dit sal eers moet insink.

Wat jy ook al doen, lees moet jy vir hom lees. Want ek voel die stilte voor die storm aankom, as hierdie boek eers die mensdom getref het, gaan daar geweld losbars. Hy gaan emosies in jou losmaak wat jy nie gaan herken nie.

Bestel Thula-thula hier. Teen afslagprys van R132 beskikbaar.