UJ-Prys

Van Heerden het in reaksie op die prys gesê: “Ek is baie dankbaar vir die toekenning. Dit is ’n groot eer.”

Dit is die negende jaar dat hierdie toekenning gedoen word.

Van Heerden se 30 Nagte in Amsterdam is deur die keurpaneel uit ’n kortlys van vyf werke as die wenner van die prysgeld van R60 000 aangewys.

Die ander werke op die kortlys was Jaap Steyn se

Volgens Willie Burger, sameroeper van die pryskomitee, getuig 30 Nagte in Amsterdam van Van Heerden se onbetwisbare vakmanskap. In die persverklaring vervolg hy: “Die taal word op ’n indrukwekkende wyse ingespan om ’n spannende verhaal te vertel. Die leser word maklik verlei om agter die spannende verhaal aan te lees, maar uiteindelik bied die roman ’n bestekopname van die bestaan van wit Suid-Afrikaners. Die rol van kuns, van die krea­tiewe in die verkenning van die verlede en die ondersoek van bestaansmoontlikhede vir die toekoms, staan ook sentraal.”

Luidens die persverklaring het die digbundel wat die UJ-debuutprys gewen het dikwels ’n ligte, speelse toon en getuig Marais se verse van ’n belesenheid en taalvaardigheid wat groot belofte inhou. Die pryse word in Oktober by die UJ aan die wenners oorhandig.