Jou beste, beste boek.
Met die dat ons so lekker gewerk het aan die Top 100 Leeslys, en die voorbereidings begin vir die Top 100 Kinderlys, het ek net gewonder, wat was jou beste, beste boek van verlede jaar? Nie die beste soos in beste nie, maar soos die kleintjies bedoel as hulle sê my beste dier is 'n padda. Die lekkerste boek. Jou gunsteling boek.
Myne was The Diary of Iris Vaughn. (More kies ek dalk iets anders, maar vandag is vandag.)
Page
1
posts 1–9 of 9
+0
permalink
Myne was verseker Marcus Zusak - the book thief. Ek wou nie die boek terug vat bib toe nie. Wou dit net nog so bietjie langs my bed laat lê. Wou nog so bietjie rond blaai en nie dadelik al van almal afskeid neem nie.
Dit is hoekom dit lekker is as dit jou eie boek is.
+0
permalink
Bepaald so! Ek het The Book Thief net so ent in gelees, en besluit hy verdien my onverdeelde aandag. Hierdie laaste tyd was my lewe net te besig, en sal nog 'n maand of twee so wees.
Intussen het my man hom gevat, en hy dink dis 'n uitstekende boek. Wat sou gebeur het as dit 'n biblioteekboek was? Dan het nie een van ons dalk die plesier beleef nie.
Intussen het my man hom gevat, en hy dink dis 'n uitstekende boek. Wat sou gebeur het as dit 'n biblioteekboek was? Dan het nie een van ons dalk die plesier beleef nie.
+0
permalink
Ja, dis jammer mens kan nie alles koop wat jy wil lees nie.
En dis ook lekker om van 'n boek ontslae te raak as jy dit glad nie geniet het nie. Miskien moet ons ook 'n slag gesels oor boeke wat almal glad nie geniet het nie en dadelik wou weg gee net om te verseker jy troetel dit nie onnodig in jou rak nie.
Hoop jy kom gou by book thief uit!
+0
permalink
Ek het gewonder watter een my beste boek was net tot ek gedink het watter een ek aan almal wou uitleen (en het). En ek leen nie sommer boeke uit nie want dan word mens baie keer vies vir jou vriende. Ek kies Persepolis van Marjane Satrapi. Dis baie sensitief geteken en geskryf maar die mooiste daarvan is dat dit 'n wêreld oopmaak wat ek nie eers geweet het bestaan nie. Waaroor ek ook nie eers gewonder het nie. Sou nooit kon dink dat Iran na hul revolusie en ten tye van hulle oorlog met Irak so fassinerend kon wees nie.
+0
permalink
My beste boek was ook The book thief. Ek het dit op die lughawe gekoop en gelees terwyl ons in Spanje getoer het. Op die ou end het ek 'n hele paar uur in Toledo opgeoffer om die boek klaar te lees. Mensdom, ek het lanklaas so oor 'n boek gehuil! My man het dit ook gelees, my dogter daarna en albei het dit baie geniet. Ek voel ook skoon evangelies oor die boek - wil dit by almal aanbeveel. Dis ongelooflik dat so 'n jong skrywer soveel volwassenheid en insig kan openbaar.
+0
permalink
Ek het gedink en gedink en gedink. Ek kan net eenvoudig nie 'n enkele boek uitsonder nie. My eie lysie van gunstelinge is dus so lank dat daar in my huis nie meer plek is vir al die boeke nie. Op die oomblik egter beleef ek 'n tyd waarin ek nie tyd kry vir lees nie - tyd vir my eie leesgoed nie, maar vra my maar oor kinderboeke!!! My seuntjie het leer praat met Babalela - dit so agter sy ma aangepraat, daar is nie aand wat ons mag gaan slaap sonder 'n storie gelees is nie, wanneer maatjies kom kuier moet hulle saam bal speel en as die maatjies mooi soet is, dan gaan wys my seunskind baie trots sy eie boekrak. My gunsteling kinderboek (op die oomblik) is Die Teddiebeerbus van Jaco Jacobs. Die mooiste, mooiste rympies en die illustrasies hoort as muurpapier teen kleuterskoolmure.
+0
permalink
Ag tog - DIS nou lekker om DIT te lees :) 'n Kind met 'n boekrak! NES dit hoort. Ek het nou die dag my twee kleinkinders na die Babalela-opvoering hier in Die Boer in Durbanville gevat. Die een is pas 5 en die ander een 2 en 'n half. Hulle oê was baie groot :) Dit is 'n vrolike, baldadige opvoering. Daarna moes ek boeke teken - die oudste wou toe weet hoekom kan ek in boeke skryf en HY mag nie :) Lekker verder lees!
Page
1
posts 1–9 of 9
This Topic Is Locked To Guest Posts
It's been a while since this topic was active, if you'd like to get it going again, please post as a registered member
