C D Hugo et al

Stem 100% saam! Dit gee my regtig 'n pyn dat sekere mense hulle opinies as die enigste aanvaarbares beskou en dit is uiterse arrogansie om die lys so heftig te kritiseer. Ek weet ook van baie "geleerde" mense wat hierdie
lys as 'n heerlike "leesrigtingwyser" beskou. Ek ook.

Ek stem volmondig saam met anita. Ek het net benoud geword toe ek begin lees wat jy van Me Hugo wil sê. Eintlik is hierdie die fight van die Hugos!

Meer ernstig, die mense kyk verby die feit dat hierdie eintlik 'n Lekkerlees-lys is. Nie 'n lys van 100 wat deur hoëbolhoedens opgestel is nie. Daardie lys is die een waardeur baie mense worstel, net om ook saam te kan praat. Hierdie lys van Boekemakranka gaan die een wees wat mense sal raadpleeg voordat hulle boeke gaan koop, boeke om te lees.

Hoe ouer ek word hoe meer wil ek saam met vriend John stem. Daar is hoegenaamd geen rede hoekom ek 'n boek moet lees nie. As dit nie vir my, die leser, lekker is om die boek te lees nie, maak ek dit toe en neem 'n volgende een, daar is so baie. My vriend John deel toevallig 'n huis met Maankind, maar dit het gelukkig nie 'n nadelige uitwerking op ons vriendskap nie.

Liewe kritici

Ai, mense, ons is almal lief vir boeke en wil soveel as moontlik doen om Afrikaanse boeke 'n hupstoot te gee. Net omdat ek kritiek het, word ek nou bestempel as "verwaand" en wie weet wat. Dis maklik om beledigings rond te slinger as jy onder skuilname skuil, of hoe kadys en kieta? Bietjie moeiliker as 'n uitgewer jou opdrag gee, Litnet betaal sodat jy een van die loodsbloggers kan wees en vra dat jy oor jouself skryf, foto's plaas, ens. As ek dit self wou doen, sou ek al lankal 'n blog begin het. En is die doel van leeslyste nie juis om mense aan die praat - aan die gons! - te kry oor boeke nie?

My besware oor die lys was dat 'n klomp uitstekende, lekkerleesboeke weer eens gemarginaliseer word omdat mense nie redelike kans gegee is om bydraes te lewer nie. En nee, ek praat nie van kinder- en jeugboeke nie, ek praat van boeke deur Chris Karsten en Jan van Tonder, heerlike, toeganklike gedigte, die fantastiese vertalings uit Nederlands en Frans wat tans beskikbaar is, ens. Anita-dek, ek het juis gevra waar die vertalings is... :-)

Die stemproses was vreemd, maar Maankind het dit verduidelik. Baie dankie. Ek voel net as daar wyer mense genooi is om aan die stemproses deel te neem, sou 'n mens meer mense gelok het, meer mense sou besit geneem het van die idee van die lys, Boekemakranka sou great publisiteit gekry het en daar sou eenvoudig meer mense bereik word.

Vir die opgewondenes: ek beskou nie my opinie as die allesomvattende waarheid nie. Gesprek is welkom. Ek is nie verwaand nie. Ek is nie betrokke in die "literêre" wêreld nie, maar wel die boekewêreld. Dit is nie suurdruiwe nie - ek is immers 'n kinderboekskrywer en hierdie is 'n fiksielys.

Laat die gesprek voortgaan!
Carina

Carina, pleks ons jou in die nominasie-proses al bygetrek het! Dan het ons lankal meer publisiteit gehad. Dankie weer dat jy die moed gehad het om jou besware te lug, en so in die spervuur beland het.

Ek het geen twyfel dat ons met hierdie lys gaan bereik, presies dit wat ons voorsien het nie. Mense praat daaroor, kyk daarna, en druk dit uit. Meer as een persoon het reeds aangedui dat hulle die hele nominasielys uitgedruk het, voordat dit wegkrimp na net 100 boeke. Hierdie lys moet saam biblioteek en veral boekwinkels toe.

Dis tog uiteindelik waaroor dit gaan - BOEKE.

Ja, dankie maankind, ek is een van die baie wat die hele nominasielys uitgedruk het en reeds al alle boeke gemerk het wat ek nog wil lees. Ek bly baie opgewonde daaroor en kan nie wag om met die stapel boeke met vakansie te gaan nie. Ek het die lys ook na vriende aangestuur en dink julle gaan veel meer met hierdie lys bereik as wat julle voorsien het! Geluk!

Ek het begin om LitNet se Top10-lyste en Boekemakranka s'n te konsolideer. Ek weet nie regtig wat die werd sal wees nie, behalwe dat daar so veertig mense op die LitNet-lyste is wat hulle gunstelinge gegee het (baie Engelse titels, maar daar is tog Afrikaans ook).

Sou dit die moeite werd wees om aan te gaan (ter wille van 'n wyer poel menings?) Dis nie asof ek niks anders het om te doen nie :)

Carina, ek is Nadia de Kock. Ek probeer hard, maar raak nie ontslae van hierdie skuilnaam nie; as ek aanteken, is dit outomaties onder Sabina's. Sal eendag een van my slimmer IT-kollegas vra om dit vir my uit te sort.

carina, trisa is reg - jy het gehelp om die proses wyer dekking te laat kry. kom ons beskou dit as 'n vertrekpunt. ek hoop jy het al gestem en al is daar nie 100 boeke wat jy fancy nie sal daar seker 'n paar wees waarvoor jy kan stem. vat 'n kans, dalk wen jy 'n datsun. sienende dat jy die hand uitsteek neem ons dit graag. ek trek my woorde terug - jou onderrok hang nie uit nie. ek weet nie van een skrywer op die lys en van die lys af wat ASPRIS n 'swak' boek wou skryf nie. 'n skrywer poog maar om die wereld 'n kykie deur die kleur van sy persoonlike oog te gee. kleurblindheid is nie sondig nie. spooktrap.abrham.

Nee wat, Carina, vir my naam was ek nog nooit skaam nie. Op LitNet het ek aanvanklik onder die naam Kadys geskryf en later onder my eie naam, Lidia Theron.

Daar sien jy nou, ek hou self nie daarvan om onder 'n skuilnaam te skryf nie, dis net soms prettig. Ek is bereid om enige iets wat Kadys kwytraak onder my eie naam te herhaal.