Lefora Free Forum
Join now
Hier gesels ons in Afrikaans oor skrywers en boeke. So maklik en so lekker soos dit!
64 views

Boekbedonnerd

Page 1
posts 1–1 of 1
superstar - founder
993 posts
Heeltemal “boekbedonnerd” – dit is Richmond, Afrika se eerste boekdorp en Suid-Afrika se mees sentrale bymekaarkomplek. Dis waarom hy nou ’n fees met dié titel op die been gebring het – die BoekBedonnerd Karoo Leefstylfees, van 23 tot 25 Oktober. Nie net om sy status as Afrika se enigste boekdorp te vier nie, maar om ’n “literêre lafenis” te word, sê die organiseerders.

Dr. Darryl David, die man agter die vestiging van Richmond as boekdorp en lektor aan die departement Afrikaans aan die Universiteit van KwaZulu-Natal, sê dit gaan ook oor die vestiging van ’n model van volhoubare landelike ontwikkeling en toerisme in ’n afgeleë deel van die land.

Die organiseerders, mnr. John Donaldson en dr. Peter Baker van Richmond, sê hul dorp gaan die letterkunde weer lewe gee. “Dis omdat die Wes-Kaap wynfeeste, die Oos-Kaap biltongfeeste en Oudtshoorn en die noorde van die land kunstefeeste hou, maar Richmond is boekmal en hou ’n boekfees.” Sedert verlede jaar het ses boekwinkels en twee leeskamers hier geopen.

• Besoek www.richmondnc.co. vir meer besonderhede.

(Marlene Malan - RApport)
__________________
The man who doesn't read good books has no advantage over the man who can't read them. (Mark Twain) Trisa Hugo - trisa@icon.co.za - 0282714874 - 083407027
Page 1
posts 1–1 of 1

This Topic Is Locked To Guest Posts

It's been a while since this topic was active, if you'd like to get it going again, please post as a registered member

join now