Ek glo dat almal wat sal belangstel om by hierdie forum aan te sluit, buitendien die integriteit het om te weet dat daar nooit enige aanvalle sal wees op 'n leser/skrywer/deelnemer se persoon nie.
Enige irrelevante inskrywings sal sonder versuim verwyder word.
Ek probeer tevergeefs om uit te vind hoe om my foto en myself van hierdie leeskring te verwyder. Help asseblief! Of verwyder net alles - veral foto! Ek besef nou dat ek nie by die regte tipe boeke-besprekings is nie...Te veel sagte ongemotiveerde "gevoelens" vir my smaak...
Baie dankie by voorbaat.
galjoen hoe nou? ek begin nou net myself inlees in wat ek dink 'opvoedkundige' besprekings gaan word. ek glo eerlikwaar jy het 'n deel om by te dra. ek laaik daai kindersong van "laat jou liggie skyn" of so iets. d.i. nie noodwendig altyd in die gelowige konteks nie.die forum is nog jonk en almal spooktrap versigtig. ek dare jou - gee nog 'n kans. ek stem met trisa, los maar die die dashboard ens. laat my aan 'n meatloaf song dink - something van "dashboard lights"
is oortuig...en die konsep van hierdie leeskring is wel opwindend...sal interessant wees om te sien wat daarvan word: maar 'n bietjie goed gefokusde bespreking oor een sentrale boek,soos wat Broer Abrhm voorgestel het, sal seker ook help om "vleis" aan die bene te sit. Miskien moet hy begin met die bespreking?
Of is die idee dat dit spontaan moet kom? Afhangend van lesers se reaksie?
sou dit 'n verskil gemaak het as jm se hoofkarakters vroue was? is die manlike wereld so vreemd dat meeste van die lesers alhier ontheemd in die lees van jm voel. jm se karakters se hero's - journey is tekenend van wat ons as mense ervaar. kan ons verby die geslagtelike kyk en die menslike aard van sy karakters ervaar of is ons so gefikseerd in ons geslagtelikheid dat ons die belangrikste - ons menslikheid mis? meeste van ons alhier nader of is in die vroee herfs van ons lewens. is die maturing-proses nie maar net 'n voorbereiding tot die voltooing van ons lewenssirkel nie. dood, waar is jou angel? in disgrace soek david lurie na homself en ontdek hy homself ten laaste wanneer hy die 'the dog with the crippled rear' in genadelose genadigheid die ewigheid inhelp.die orakel van apollo van delphi stel voor dat ons onself moet ken. skrywers begelei jou deur die gruispaaie van hul psige om 'n spark te skep wat dalk n skaduwee in jou ongekende self kan belig. noodwendig sal ek as middeljarige caucasier met david lurie kan indentifiseer, maar ook as suid afrikaner wat gedischarge is. moet ons noodgedwonge soos sy dogter ons verkragting aanvaar en common laws word om in die land te kan aanbly. sal die 'hondlyke' uit die verlede en hede ooit opraak. gaan ons ooit vergifnis ervaar in die land waar ons disgrace ervaar en gepleeg het? die verouderingsproses is onomkeerbaar - die ken van self ook, sou jy dit verkies.
Tussen Abrham en Galjoen is ek nou ook lus om die boek te lees. Nadat ek Nee gestem het op die Poll. Wys jou net wat 'n forum soos dié kan regkry.
Wil net byvoeg dat ek dink dis groots van Galjoen om aan te bly en ons letterkundige plebs nog 'n kans te gee. Ek het nou sommer ook tot die gevolgtrekking gekom dat ek suiwer te lui is om te sukkel as ek 'verniet' lees, aangesien ek dit vir 'n bestaan doen. En dit is darem maar dêm eenvoudig, om die minste te sê.
disgrace: isbn0 09 928952 0:hoofstuk 1, bl1 'FOR A MAN his age, fifty-two, divorced,he has, to his mind, solved the problem of sex rather well.'
hef aan stryders, die pad is lank en swaar - galjoen gryp die leisels daar by umtwana, dan lei jy ons op hierdie adventure!!!
Ek moet saam met jou stem, Maankind. Ek staan reeds op die winter se voorstoep en probeer my bes om niks te doen waarvan ek nie hou nie. Na die boek waarmee ek nou besig is, gaan ek eers Heita Kiewietan aanpak, verder as dit beplan ek nie!
Terloops, nou kan ek ook verstaan hoekom die goed vir my so deurmekaar is. Wanneer mens op 'n spesifieke persoon se kommentaar iets wil sê, word dit direk onder daardie persoon se pos ingesit. Kan mens iets daaraan doen, dit verwar my nogal baie. Hoe voel julle daaroor? Dit volg dus nie kronologies nie.
Dankie tog, nou verstaan ek ook hoe dit werk. Ek het nog altyd gedink ek is redelik voor in die koor met rekenaartegnologie, maar hierdie Forum was my eerste kennisname met so 'n gespreksgroep. Dit is nogal ingewikkeld, maar ek glo ons sal dit later onder die knie kry, veral nou dat ek verstaan van threads. En o ja, Trisa, met die stemmery oor Disgrace ontbreek daar myns insiens nog 'n keuse. Wat as 'n mens die boek reeds gelees het? Dan klink 'nee' so onverbiddelik, maar ek wil dit nie weer lees nie. Geluk met jou ledetal wat so vinnig styg. Dit wys dat jy op die regte spoor is.
ek verstaan ook nog steeds nie hoe om by direk by die huidige gesprek oor DISGRACE (wat my die meeste interesseer) uit te kom nie...Skryf replies, en kry boodskappe oor mense wat gereageer het, maar vat ure om te probeer uitvind waarheen ek moet gaan - en kom meesal glad nie daar uit nie. Vandag die eerste keer by hierdie bladsy, wat koherent op mekaar skyn te volg, uitgekom.
Hoé maak mens? Huhh? 'n Galjoen uit die water...ook gedink ek is rekenaargeletterd en -slim! Toe tog nie...
It's been a while since this topic was active, if you'd like to get it going again, please post as a registered member
LitNet
Boekemakranka se Top 100 Afrikaanse Leeslys vir 2009
Storiewerf
Graffiti Boeke - 'n Hele winkel vol Afrikaanse boeke!
Akkommodasie in Kleinmond, waar jy rustig by die see kan kom lê en lees!
Holderstebolder - Kuier passievol in Afrikaans!
Bravo!
Breederivier Skrywersburo
Versindaba
Tweedehandse Afrikaanse boeke
SA Vryskutskrywer
